اسلام آباد: صدرِ مملکت آصف علی زرداری نے سات اہم بلوں پر دستخط کر دیے، جن میں معاشی اصلاحات، انسانی حقوق اور تعلیمی نظام سے متعلق قوانین شامل ہیں۔ صدر سیکرٹریٹ کے مطابق، ان بلوں کی منظوری کے ساتھ ہی ملک میں قانون سازی کا عمل مکمل ہو گیا ہے۔
اہم بلوں میں انکم ٹیکس ترمیمی بل 2026 شامل ہے جس کا مقصد ٹیکس نیٹ کو بہتر بنانا ہے۔ نیشنل ٹیرف کمیشن اور ایکسپورٹ ڈیویلپمنٹ فنڈ کے ترمیمی بلز تجارت اور برآمدات کو فروغ دینے کے لیے نافذ کیے گئے ہیں۔
سماجی تحفظ کے لیے گھریلو تشدد کی روک تھام اور تحفظ بل 2026 نافذ کر دیا گیا ہے، اور نیشنل کمیشن برائے انسانی حقوق کے اختیارات میں بھی ترمیم کی گئی ہے۔ تعلیمی اصلاحات کے لیے دانش سکولز اتھارٹی بل اور ریلوے انتظامات بہتر بنانے کے لیے ریلوے منتقلی ترمیمی بل کی منظوری دی گئی ہے۔
