سندھ کے کچے علاقے میں 71 بدنام زمانہ ڈاکوؤں نے پولیس کے سامنے ہتھیار ڈال دیے اور امن قائم کرنے کے لیے سرینڈر کر لیا ہے۔ ڈاکوؤں نے اپنے قبضے سے 200 سے زائد چھوٹے اور بڑے ہتھیار صوبائی وزیر داخلہ اور سندھ پولیس کو سپرد کر دیے ہیں۔
ضیا الحسن لنجار نے پولیس اور رینجرز کے جوانوں کی انتھک محنت کو سراہتے ہوئے کہا کہ حکومت کی جارحانہ پالیسی کے تحت یہ کامیابی حاصل کی گئی ہے۔ انہوں نے مزید کہا کہ ہر شہری کا حق ہے کہ وہ اپنے علاقے میں امن اور سکون کے ساتھ زندگی گزارے۔
یہ واقعہ علاقے میں استحکام اور قانون کی حکمرانی کو مضبوط بنانے کی طرف ایک اہم قدم قرار دیا جا رہا ہے۔
