بلوچستان کے ضلع دالبندین میں سیکیورٹی فورسز نے فتنہ الہندوستان کے خلاف ایک بھرپور اور کامیاب کارروائی کرتے ہوئے دہشت گردی کی ایک بڑی کوشش ناکام بنا دی۔ سیکیورٹی ذرائع کے مطابق کارروائی کے دوران تمام 6 دہشت گرد مارے گئے جو پہاڑی غار میں چھپے ہوئے تھے۔
دہشت گردوں کی نقل و حرکت پر فضائی نگرانی کے ذریعے مسلسل نظر رکھی گئی، جس کے بعد فورسز نے انتہائی موزوں وقت پر ان کا ٹھکانہ مؤثر طریقے سے نشانہ بنایا۔
ذرائع کا کہنا ہے کہ یہ کامیابی سیکیورٹی فورسز اور خفیہ اداروں کے درمیان بہترین رابطے اور معلومات کے تبادلے کا نتیجہ ہے۔ بلوچستان میں امن و امان کی فضا برقرار رکھنے اور دہشت گردی کے مکمل خاتمے تک ایسی کارروائیاں جاری رہیں گی
