اسلام آباد: وزیراعظم شہباز شریف نے چیئرمین جوائنٹ چیفس آف اسٹاف کمیٹی، جنرل ساحر شمشاد مرزا سے الوداعی ملاقات کی، جو سبکدوش ہو رہے ہیں۔
ملاقات کے دوران وزیراعظم نے جنرل مرزا کی پیشہ ورانہ مہارت، قومی دفاع میں خدمات اور ملک و قوم کے لیے ان کے نمایاں کردار کو سراہا۔ انہوں نے جنرل مرزا کی لگن اور وابستگی کو سراہتے ہوئے ان کے مستقبل کے لیے نیک خواہشات کا بھی اظہار کیا۔
یاد رہے کہ 27 ویں آئینی ترمیم کے بعد چیئرمین جوائنٹ چیفس آف اسٹاف کمیٹی کا عہدہ ختم کر دیا گیا تھا، اور اس کے نتیجے میں جنرل ساحر شمشاد مرزا سبکدوش ہوئے۔
