اسلام آباد :دفاعی اور جیو پولیٹیکل امور کے ماہرین نے بھارتی آرمی چیف کے "سندور 2.0” سے متعلق جنگجوانہ بیانات کو مودی حکومت کے گرتے ہوئے سیاسی گراف اور اندرونی دباؤ کا شاخسانہ قرار دے دیا ہے۔
ماہرین کا کہنا ہے کہ معرکہ حق میں ذلت آمیز ناکامی کے بعد بھارتی ملٹری اور سول قیادت بری طرح بوکھلائی ہوئی ہے۔ بین الاقوامی سطح پر پاکستان کے بڑھتے ہوئے سفارتی اثر و رسوخ اور بھارت کی اپنی مسلسل سفارتی ناکامیوں نے مودی سرکار کو ایک بار پھر پاکستان مخالف پراپیگنڈا تیز کرنے پر مجبور کر دیا ہے۔
رپورٹ کے مطابق جالندھر میں پراسرار دھماکہ، پاکستان سے مبینہ روابط کے الزامات کے تحت من گھڑت گرفتاریاں اور اقوامِ متحدہ کے فورم پر پاکستان کے خلاف من گھڑت کہانیوں کا پرچار،یہ سب بھارت کی اپنی داخلی سیکیورٹی اور گورننس کی ناکامیوں سے میڈیا اور عوام کی توجہ بھٹکانے کی سوچی سمجھی کڑی ہے، جسے عالمی برادری میں اب کوئی پذیرائی نہیں مل رہی۔
