مظفرآباد:آزاد کشمیر میں شہریوں اور تاجر تنظیموں نے کالعدم جوائنٹ ایکشن کمیٹی کے کردار پر شدید تشویش کا اظہار کرتے ہوئے اسے لاقانونیت اور انتشار کا باعث قرار دیا ہے۔
شہریوں کا کہنا ہے کہ زبردستی شٹر ڈاؤن اور ہڑتالوں کی دھمکیوں کے باعث معمولات زندگی متاثر ہو رہے ہیں جبکہ تاجروں کو کاروبار چلانے میں شدید مشکلات کا سامنا ہے۔
تاجر برادری کے مطابق مسلسل غیر یقینی صورتحال نے کاروباری سرگرمیوں کو نقصان پہنچایا ہے اور مقامی سطح پر اضطراب اور بے چینی میں اضافہ ہوا ہے۔
شہریوں نے مطالبہ کیا ہے کہ ایسے اقدامات کو روکا جائے اور صورتحال کو معمول پر لانے کے لیے فوری اور مؤثر حکمت عملی اختیار کی جائے تاکہ خطے میں امن و امان بحال ہو سکے۔
