تہران: ایران کے سپریم لیڈر آیت اللہ علی خامنہ ای کی نمازِ جنازہ تہران کے امام خمینی مصلیٰ میں ادا کر دی گئی، جس میں ایرانی صدر مسعود پزیشکیان، اعلیٰ سول و عسکری حکام، مختلف ممالک کے وفود اور لاکھوں سوگواروں نے شرکت کی۔ نمازِ جنازہ ممتاز عالمِ دین آیت اللہ سبحانی نے پڑھائی۔
ذرائع کے مطابق نمازِ جنازہ اور دیگر مذہبی رسومات مرحلہ وار ادا کی جا رہی ہیں۔ شیڈول کے تحت 8 جولائی کو میت عراق منتقل کی جائے گی، جہاں نجف اشرف سے کربلا معلیٰ تک تشییعی جلوس نکالا جائے گا، جبکہ 9 جولائی کو تدفین کی جائے گی۔ اس موقع پر ایران بھر میں سوگ کی فضا برقرار رہی اور عوام نے اپنے رہنما کو خراجِ عقیدت پیش کیا۔
