کوئٹہ: وزیراعلیٰ بلوچستان سرفراز بگٹی نے کہا ہے کہ ریاست کو سیاست نہیں بلکہ ریاستی مفاد کے مطابق فیصلوں کی ضرورت ہے۔
اپنے بیان میں وزیراعلیٰ بلوچستان کا کہنا تھا کہ شہداء کے واقعات کا الزام بھی ریاست پر ڈال دینا افسوسناک ہے۔ بلوچ قوم کو ایک لاحاصل جنگ میں الجھایا گیا، جس کا مقابلہ کیا جائے گا۔
سرفراز بگٹی نے کہا کہ ملک کو نقصان پہنچانے یا توڑنے کی کوشش کرنے والے غلط فہمی کا شکار ہیں۔ انہوں نے عزم ظاہر کیا کہ بلوچستان میں امن و امان کی صورتحال بہتر بنائی جائے گی اور امن کا سورج پوری آب و تاب سے چمکے گا۔
