استنبول میں سیلاب سے ہلاکتیں، صدر زرداری اور وزیراعظم شہباز شریف کا ترک صدر سے اظہارِ تعزیت

اسلام آباد: صدر مملکت آصف علی زرداری اور وزیراعظم شہباز شریف نے ترکیہ کے شہر استنبول میں شدید سیلاب کے باعث ہونے والے جانی نقصان اور املاک کی تباہی پر افسوس کا اظہار کرتے ہوئے ترک عوام سے یکجہتی کا اظہار کیا ہے۔

صدر آصف علی زرداری نے سماجی رابطے کی ویب سائٹ ایکس پر اپنے پیغام میں ترک صدر رجب طیب اردوان اور جاں بحق افراد کے اہل خانہ سے دلی تعزیت کی۔ انہوں نے کہا کہ پاکستان اس مشکل وقت میں ترک عوام کے ساتھ کھڑا ہے اور قدرتی آفت سے متاثر ہونے والے افراد کے لیے ہمت اور حوصلے کی دعا کرتا ہے۔

President Asif Ali Zardari has expressed deep sorrow over the loss of precious lives and the extensive damage to homes and property caused by devastating floods in Istanbul, Türkiye.

The President conveyed his heartfelt condolences to President Recep Tayyip Erdoğan @RTErdogan and the bereaved families, expressing solidarity with the people of Türkiye in this difficult time and wishing strength to all those affected.

— The President of Pakistan (@PresOfPakistan) October 16, 2026

وزیراعظم شہباز شریف نے بھی استنبول میں سیلاب کے باعث ہونے والی ہلاکتوں اور بڑے پیمانے پر تباہی پر گہرے دکھ کا اظہار کیا۔

وزیراعظم نے اپنے پیغام میں کہا کہ وہ اپنے عزیز بھائی، ترک صدر رجب طیب اردوان اور اپنے پیاروں کو کھونے والے خاندانوں سے دلی تعزیت کرتے ہیں۔ انہوں نے زخمیوں کی جلد صحت یابی اور لاپتا افراد کی بحفاظت بازیابی کے لیے دعا بھی کی۔

شہباز شریف کا کہنا تھا کہ پاکستان برادر ملک ترکیہ کے عوام کے ساتھ مکمل یکجہتی کا اظہار کرتا ہے اور اس مشکل گھڑی میں ہر ممکن امداد فراہم کرنے کے لیے تیار ہے۔

İstanbul’da meydana gelen şiddetli sel felaketinin yol açtığı can kayıpları ve yıkım nedeniyle derin bir üzüntü duyuyorum. Kıymetli kardeşim Cumhurbaşkanı Sayın Recep Tayyip Erdoğan’a ve hayatını kaybedenlerin yaslı ailelerine en içten taziyelerimi sunuyorum. Yaralananların bir an önce sağlıklarına kavuşmalarını, kayıp olanların ise sağ salim bulunmalarını diliyorum. Pakistan, kardeş Türkiye halkıyla dayanışma içindedir ve bu zorlu süreçte elinden gelen her türlü desteği sağlamaya hazırdır.

@RTErdogan

— Shehbaz Sharif (@CMShehbaz) October 16, 2026

واضح رہے کہ استنبول میں شدید سیلاب کے نتیجے میں گھروں اور دیگر املاک کو نقصان پہنچا ہے جبکہ متعدد افراد کی جانیں بھی ضائع ہوئی ہیں۔