عوامی فنڈز کے استعمال میں شفافیت اور جوابدہی یقینی بنانا ضروری ہے، ملک احمد خان

اسلام آباد:سپیکر پنجاب اسمبلی ملک احمد خان نے کہا ہے کہ عوام کے ٹیکس کے پیسے کا حساب لینا پارلیمنٹ کا بنیادی حق ہے، جبکہ آڈٹ اعتراضات پر بروقت فیصلے اور کارروائی مؤثر احتساب کی بنیاد ہیں۔

اسلام آباد میں منعقدہ تقریب سے خطاب کرتے ہوئے ملک احمد خان نے کہا کہ پارلیمنٹ اور دیگر اداروں کے درمیان اعتماد اور تعاون کا رشتہ برقرار رہنا چاہیے۔ انہوں نے صوبائی اسمبلیوں میں پبلک اکاؤنٹس کمیٹیوں (پی اے سی) کو مزید فعال بنانے کی اہمیت پر بھی زور دیا۔

ان کا کہنا تھا کہ سرکاری اخراجات کی مؤثر نگرانی، مالی بے ضابطگیوں کی نشاندہی اور آڈٹ اعتراضات کا بروقت ازالہ شفاف طرزِ حکمرانی کے لیے ضروری ہے۔