امریکی صدر کے مبینہ دورے کی غلط خبر پر اعزاز سید کی معذرت

وزارت خارجہ کے ترجمان نے اس خبر کی تردید کرتے ہوئے واضح کیا کہ ایسی کسی میٹنگ یا دورے کی کوئی اطلاع یا تصدیق موجود نہیں ہے۔ ساتھ ہی یہ بھی بتایا گیا کہ 18 ستمبر کو ڈونلڈ ٹرمپ کا دورہ برطانیہ پہلے سے طے شدہ ہے، جس کی وجہ سے پاکستان آمد کا سوال ہی پیدا نہیں ہوتا۔

اعزاز سید نے اپنی غلطی تسلیم کرتے ہوئے سوشل میڈیا پر جاری پیغام میں کہا کہ جو معلومات انہوں نے شیئر کیں وہ قبل از وقت اور غیر حتمی تھیں۔ ان کا کہنا تھا:

"مجھے اس غلط اطلاع پر گہری ندامت ہے۔ میں اپنی غلطی کی مکمل ذمہ داری لیتا ہوں اور اپنے ناظرین، فالوورز اور اس ادارے، جیو نیوز، سے معذرت خواہ ہوں جس نے ہمیشہ مجھ پر اعتماد کیا ہے۔ میں اپنی صحافتی ذمہ داریوں میں شفافیت، درستگی اور سچائی کے اصولوں پر کاربند رہنے کے عزم کا اعادہ کرتا ہوں۔”