اسرائیلی ہتھیار آپریشن سندور میں استعمال ہوئے، نیتن یاہو کا اعتراف

اسرائیلی وزیر اعظم بنجمن نیتن یاہو نے تصدیق کی ہے کہ بھارت نے پاکستان کے خلاف اپنے حالیہ چار روزہ فوجی آپریشن "سندور” کے دوران اسرائیلی ساختہ ہتھیاروں اور جنگی سسٹمز کا استعمال کیا۔

نیتن یاہو نے کہا کہ آپریشن سندور کے دوران اسرائیلی سازوسامان نے جنگ میں اپنی افادیت ثابت کی۔ ہماری ٹیکنالوجی اور دفاعی نظاموں نے میدان جنگ میں بہترین کارکردگی دکھائی۔

انہوں نے غزہ میں اسرائیل کے آئندہ عسکری اقدامات کے منصوبوں پر روشنی ڈالتے ہوئے یہ بھی کہا کہ آپریشن سندور سے قبل فراہم کردہ اسرائیلی ہتھیاروں نے مؤثر کردار ادا کیا۔