مسلم لیگ ن نے رانا ثنااللہ کو پنجاب اسمبلی کی سینیٹ جنرل نشست پر ٹکٹ جاری کر دیا

مسلم لیگ ن نے رانا ثنااللہ کو پنجاب اسمبلی کی جانب سے سینیٹ کی جنرل نشست پر ٹکٹ جاری کر دیا ہے۔ یہ نشست اعجاز چودھری کی نااہلی کے بعد خالی ہوئی تھی، جس پر انتخاب 9 ستمبر کو ہوگا۔

ریٹرننگ افسر شریف اللہ نے پبلک نوٹس آویزاں کیا ہے، جس کے مطابق امیدوار 19 اور 20 اگست کو کاغذات نامزدگی جمع کروا سکتے ہیں۔ امیدواروں کے ناموں کی فہرست 21 اگست کو جاری کی جائے گی جبکہ کاغذات نامزدگی کی جانچ پڑتال کا عمل 23 اگست کو مکمل کیا جائے گا۔ امیدوار 30 اگست تک کاغذات نامزدگی واپس لے سکتے ہیں۔

یہ انتخاب اسی خالی نشست پر ہو گا جو اعجاز چودھری کی نااہلی کی وجہ سے خالی ہوئی تھی۔