بیجنگ :امریکی صدر ڈونلڈ ٹرمپ کے دورہ چین کا آغاز ایک انتہائی پُروقار اور یادگار استقبالیہ تقریب سے ہوا ہے۔ بیجنگ کے قلب میں واقع ‘گریٹ ہال آف دی پیپلز’ میں چینی صدر شی جن پنگ نے امریکی ہم منصب کا والہانہ خیرمقدم کیا۔ دونوں رہنماؤں کے درمیان ہونے والی ملاقات میں غیر معمولی گرمجوشی دیکھی گئی، جو عالمی سفارت کاری میں ایک نئی لہر کا اشارہ ہے۔
استقبالیہ تقریب کے دوران چینی پیپلز لبریشن آرمی کے دستے نے صدر ٹرمپ کو سلامی دی اور انہیں گارڈ آف آنر پیش کیا گیا۔ تقریب کی خاص بات دونوں ممالک کے قومی ترانوں کی دھنیں تھیں، جس نے ماحول کو مزید باوقار بنا دیا۔ صدر ٹرمپ نے صدر شی جن پنگ کے ہمراہ فوجی دستے کا معائنہ بھی کیا۔
تقریب کے دوران دونوں صدور نے ایک دوسرے کے وفود کا تعارف کرایا۔ چینی صدر نے اپنی کابینہ کے اہم وزراء اور سینیئر حکام کو امریکی وفد سے ملوایا۔ امریکی صدر نے اپنے ہمراہ آئے ہوئے اعلیٰ حکام اور مشیروں کا چینی قیادت سے تعارف کرایا۔
اس دورے کا بنیادی مقصد دونوں بڑی طاقتوں کے درمیان تناؤ کم کرنا اور تعاون بڑھانا ہے۔
