راولپنڈی:خیبرپختونخوا کے مختلف علاقوں میں 10 سے 13 ستمبر کے دوران سکیورٹی فورسز نے دہشت گردوں کے ٹھکانوں پر مؤثر کارروائیاں کیں۔ پاک فوج کے شعبہ تعلقات عامہ (آئی ایس پی آر) کے مطابق ان کارروائیوں میں کل 35 دہشت گرد مارے گئے، جن میں سے 22 بھارتی حمایت یافتہ خوارج بھی شامل ہیں۔
باجوڑ میں انٹیلی جنس بیسڈ آپریشن کے دوران دہشت گردوں کو سخت نقصان پہنچایا گیا جبکہ جنوبی وزیرستان میں بھی 13 دہشت گرد ہلاک ہوئے۔ آپریشن کے دوران شدت پسندوں کے ٹھکانوں سے بڑی مقدار میں اسلحہ اور گولیاں برآمد کی گئیں۔
اس دوران 12 بہادر فوجی جوان شدید فائرنگ کے تبادلے میں شہید ہوئے، جنہوں نے وطن کی حفاظت کے لیے اپنی جانوں کا نذرانہ پیش کیا۔ آئی ایس پی آر کا کہنا ہے کہ مارے گئے دہشت گرد مختلف دہشت گردی کی کارروائیوں میں ملوث تھے اور ان کی ہلاکت سے خطے میں امن و استحکام کو مضبوطی ملے گی۔
