لاہور،کراچی، اسلام آباد:شدید گرمی سے پریشان شہریوں کے لیے موسم میں بہتری کی امید، محکمہ موسمیات کے مطابق آج سے 6 جولائی کے دوران ملک میں مون سون بارشوں کا پہلا سپیل متوقع ہے۔
پنجاب، خیبرپختونخوا، گلگت بلتستان، آزاد کشمیر اور بالائی سندھ میں آندھی، گرج چمک اور بارشوں کی پیشگوئی کی گئی ہے۔
این ڈی ایم اے نے ممکنہ بارشوں کے پیش نظر شمال مشرقی پنجاب کے شہری علاقوں میں اربن فلڈنگ کے خدشے کا اظہار کیا ہے، جبکہ پہاڑی علاقوں میں لینڈ سلائیڈنگ اور سیلاب کے خطرات سے بھی آگاہ کیا گیا ہے۔
