اسلام آباد: پی ٹی آئی کے 27 ستمبر کے لانگ مارچ کے خلاف درخواست پر اسلام آباد ہائیکورٹ میں سماعت ہوئی۔ سماعت کے دوران ایڈووکیٹ جنرل خیبرپختونخوا نے عدالت کے دائرہ اختیار پر اعتراض اٹھا دیا۔
ایڈووکیٹ جنرل کے پی نے مؤقف اختیار کیا کہ اسلام آباد ہائیکورٹ کا دائرہ اختیار صرف اسلام آباد کی حدود تک ہے۔ اس موقع پر چیف جسٹس سرفراز ڈوگر نے عدالتی حکم کی خلاف ورزی پر برہمی کا اظہار کیا۔
عدالت نے خیبرپختونخوا کے چیف سیکرٹری اور آئی جی سے بیانِ حلفی طلب کرلیا اور دونوں افسران کو پیر کو ذاتی حیثیت میں عدالت کے سامنے پیش ہونے کا حکم دے دیا۔
عدالت نے ہدایت کی کہ عدالتی احکامات پر عملدرآمد کو یقینی بنایا جائے اور آئندہ سماعت پر متعلقہ حکام اپنا مؤقف واضح کریں۔
