کراچی: سندھ کے سینئر وزیر شرجیل انعام میمن نے کہا ہے کہ پیپلز پارٹی کی قیادت کو نشانہ بنانے کی مذمت کرتے ہیں، پی ٹی آئی کی جانب سے ایسا طرزِ عمل جاری رہا تو جواب دیا جائے گا۔
کراچی میں پریس کانفرنس کرتے ہوئے شرجیل میمن نے کہا کہ اسلام آباد میں حکومت اور پی ٹی آئی کے درمیان مذاکرات ایک حل کی جانب بڑھ رہے تھے، تاہم وزیراعلیٰ خیبرپختونخوا سہیل آفریدی نے مذاکراتی عمل کو سبوتاژ کیا۔
انہوں نے کہا کہ سیاسی مسائل کا حل مذاکرات اور بات چیت کے ذریعے ہی ممکن ہے، اس لیے سیاسی قیادت کو ایک دوسرے پر تنقید کے بجائے مذاکراتی عمل کو آگے بڑھانا چاہیے۔
شرجیل میمن کا کہنا تھا کہ پیپلز پارٹی جمہوری اور سیاسی طریقے سے مسائل کے حل پر یقین رکھتی ہے۔ سیاسی قیادت کو نشانہ بنانے کا سلسلہ جاری رہا تو اس کا بھرپور جواب دیا جائے گا۔
