اسلام آباد: وزیراعظم شہباز شریف نے ملک کی مجموعی سیاسی اور سکیورٹی صورتحال کا جائزہ لینے کے لیے کل اہم مشاورتی اجلاس طلب کر لیا ہے۔
ذرائع کے مطابق اجلاس میں وفاقی وزرا اور سیاسی رہنماؤں کی شرکت متوقع ہے۔ اجلاس کے دوران ملک کی موجودہ صورتحال اور لانگ مارچ سے متعلق امور پر تفصیلی تبادلہ خیال کیا جائے گا۔
ذرائع کا کہنا ہے کہ اجلاس کے شرکا کو لانگ مارچ کے حوالے سے ممکنہ اقدامات پر بریفنگ دی جائے گی، جبکہ موجودہ صورتحال سے نمٹنے کے لیے آئندہ کی حکمت عملی پر بھی مشاورت ہوگی۔
اجلاس میں ملکی حالات کے تناظر میں اہم فیصلے کیے جانے کا بھی امکان ہے۔
