بونیر، شانگلہ، سوات: پاک فوج کی کور آف انجینئرز کی اربن سرچ اینڈ ریسکیو ٹیم (USAR) نے بونیر، شانگلہ اور سوات کے سیلاب سے متاثرہ علاقوں میں امدادی کام شروع کر دیا ہے۔ ٹیم مختلف آلات کے ذریعے ملبے تلے دبے زخمیوں اور لاشوں کی تلاش کرے گی۔
اس کے علاوہ، کور آف انجینئرز کے جوان ٹوٹے ہوئے پلوں اور بند راستوں کو کھولنے میں مصروف ہیں تاکہ امدادی کارروائیاں تیز ہو سکیں۔
پاک فوج اور فرنٹیئر کور نارتھ کا ریسکیو آپریشن بھی جاری ہے، جس میں پاک فوج کے مزید دستے کل رات مختلف علاقوں میں پہنچ کر امدادی کارروائیاں سنبھال چکے ہیں۔
موسم کی خرابی کے باوجود پاک فوج کے ہیلی کاپٹر ریسکیو مشن میں مصروف ہیں اور متاثرہ افراد تک فوری امداد پہنچانے کی کوشش کر رہے ہیں۔
