کراچی: پاکستان پیپلز پارٹی کے رہنما شرجیل میمن نے پی ٹی آئی کے دور حکومت پر شدید تحفظات کا اظہار کیا ہے۔ انہوں نے کہا کہ 2018 میں پارٹی کو سازش کے ذریعے اقتدار میں لایا گیا اور بانی پی ٹی آئی کے پاس کوئی حقیقی مینڈیٹ موجود نہیں تھا۔
شرجیل میمن کے مطابق پی ٹی آئی نے اپنے ساڑھے تین سالہ دور میں کوئی قابل ذکر ترقیاتی منصوبہ شروع نہیں کیا، اور عوامی خدمات کے محض چند محدود اقدامات کیے گئے، جیسے لنگر خانے۔
انہوں نے کہا کہ بانی پی ٹی آئی نے بدتہذیبی اور گالم گلوچ کے کلچر کو سیاست میں متعارف کروایا اور بل پاس کرنے کے لیے اداروں سے مدد طلب کی۔ شرجیل میمن نے سوال اٹھایا کہ اس دوران جمہوری اقدار اور عوامی مفاد کہاں گئے۔
