کوئٹہ: وزیراعلیٰ بلوچستان سرفراز بگٹی نے کہا ہے کہ دہشت گردوں کے منصوبے ناکام ہو چکے ہیں اور ریاست کی مضبوطی واضح ہو گئی ہے۔ انہوں نے کہا کہ حکومت ہر طرح کے چیلنج سے نمٹنے کے لیے مکمل طور پر تیار ہے۔
وزیراعلیٰ نے مزید بتایا کہ دہشت گرد چاہتے تھے کہ پولیس اکیڈمی بند ہو جائے، لیکن آج بھی وہاں بہادر نوجوان تربیت حاصل کر رہے ہیں، جو ریاست کے عزم اور استقامت کی علامت ہے۔
سرفراز بگٹی نے کہا کہ بھٹکے ہوئے لوگ اگر واپس آنا چاہیں تو ریاست کے دروازے ان کے لیے کھلے ہیں اور دہشت گردوں کا خواب کبھی حقیقت نہیں بن سکے گا۔
