آئی ایم ایف کے ایگزیکٹو بورڈ کا اجلاس آئندہ ماہ دسمبر میں متوقع ہے، جس میں پاکستان کے لیے ایک ارب 20 کروڑ ڈالر کی تیسری قسط کی منظوری دیے جانے کا امکان ہے۔
ذرائع وزارتِ خزانہ کے مطابق، اجلاس میں ای ایف ایف پروگرام کے تحت ایک ارب ڈالر کی قسط کے ساتھ کلائمیٹ فنانسنگ کی مد میں 20 کروڑ ڈالر اضافی فنڈز بھی منظور کیے جائیں گے۔
پاکستان اور آئی ایم ایف کے درمیان اسٹاف لیول معاہدہ 15 اکتوبر کو طے پایا تھا، جس کے بعد توقع ہے کہ قرض پروگرام کے تحت اگلی قسط دسمبر کے اجلاس میں جاری کر دی جائے گی۔
