کابل /اسلام آباد :اقوام متحدہ کی تازہ رپورٹ کے مطابق افغانستان طالبان کے تحت شدید اقتصادی اور انسانی بحران کا شکار ہے۔ 2025 کے آغاز میں ملک کی GDP میں 6.5 فیصد کمی اور بیروزگاری کی شرح 75 فیصد تک پہنچ چکی ہے، جبکہ 3 کروڑ سے زیادہ شہری شدید غربت میں زندگی گزار رہے ہیں۔
رپورٹ میں کہا گیا کہ طالبان حکومت کی غیرقانونی حیثیت اور انسانی حقوق کی خلاف ورزیاں ملکی معیشت اور عالمی تعلقات کے لیے سنگین خطرہ ہیں۔ ساتھ ہی کالعدم ٹی ٹی پی اور داعش خراسان کی سرگرمیاں نہ صرف افغانستان بلکہ پورے خطے کے امن کے لیے خطرناک ہیں۔ عالمی تنظیمیں خواتین، اقلیتوں اور دیگر طبقات کے تحفظ کے لیے فوری اقدامات کا مطالبہ کر رہی ہیں۔
