بلاوائیو : انڈر 19 ورلڈ کپ کے پہلے سیمی فائنل میں انگلینڈ نے آسٹریلیا کو 27 رنز سے زیر کر کے میگا ایونٹ کے فائنل کے لیے کوالیفائی کر لیا ہے۔
انگلینڈ کی طرف سے کپتان تھامس ریو کی 110 رنز کی برق رفتار اننگز کی بدولت انگلینڈ نے 277 رنز کا مجموعہ ترتیب دیا۔ آسٹریلیا کی جوابی کارروائی: ہدف کے تعاقب میں آسٹریلوی ٹیم 250 رنز پر ڈھیر ہو گئی۔ کپتان اولیور پیک کی 100 رنز کی سنچری رائیگاں گئی۔
بولنگ میں جیمز منٹو، سیباستین مورگن، رالفائے ایلبرٹ اور مینی لمسڈین نے 2، 2 وکٹیں لے کر فتح میں کلیدی کردار ادا کیا۔آسٹریلیا کی ٹیم 48ویں اوور میں ہمت ہار گئی، جس کے بعد انگلینڈ ٹورنامنٹ کے فائنل میں پہنچنے والی پہلی ٹیم بن گئی ہے۔
ایونٹ کا دوسرا سیمی فائنل کل بھارت اور افغانستان کے درمیان کھیلا جائے گا۔ اس میچ کی فاتح ٹیم فائنل میں انگلینڈ کے خلاف میدان میں اترے گی۔
