اسلام آباد : اسرائیل نے ایران پر حملہ کر کے مشرقِ وسطیٰ کو ایک بڑی تباہی کے دہانے پر لا کھڑا کیا ہے۔ اسرائیلی وزیرِ دفاع کے مطابق یہ حملہ "حفاظتی اقدام” تھا، لیکن تہران سے آنے والی دھماکوں کی آوازیں کسی بڑی کارروائی کی نشاندہی کر رہی ہیں۔
میزائل تہران کے گنجان آباد علاقوں یونیورسٹی روڈ اور جمہوری ایریا میں گرے ہیں۔ خوف و ہراس پھیل گیا ہے، سائرن بج رہے ہیں اور تعلیمی ادارے بند کر دیے گئے ہیں۔ عالمی برادری اس سنگین صورتحال پر گہری تشویش کا اظہار کر رہی ہے۔
