استنبول: نائب وزیراعظم و وزیر خارجہ اسحاق ڈار نے استنبول پہنچنے کے بعد حضرت ابو ایوب انصاریؓ کے مزار پر حاضری دی۔
نائب وزیراعظم نے مزار پر پھول چڑھائے اور فاتحہ خوانی کی۔ اس موقع پر انہوں نے پاکستان کی سلامتی، خوشحالی اور عوام کی ترقی کے لیے خصوصی دعا کی۔
اسحاق ڈار نے امتِ مسلمہ کے اتحاد و یکجہتی اور مسلم ممالک میں باہمی اخوت و اتفاق کے لیے بھی دعا کی۔
نائب وزیراعظم و وزیر خارجہ اسحاق ڈار سرکاری مصروفیات کے سلسلے میں ترکیہ کے دورے پر ہیں۔
