اسلام آباد:وزیراعظم شہباز شریف کی زیر صدارت اعلیٰ سطح کا مشاورتی اجلاس ہوا، جس میں ملک کی موجودہ امن و امان کی صورتحال پر غور کیا گیا۔
اجلاس میں وزیر داخلہ محسن نقوی، وزیر قانون اعظم نذیر تارڑ، وزیر اطلاعات عطاء اللہ تارڑ اور وزیر مملکت طلال چودھری شریک ہوئے۔
ذرائع کے مطابق وزیر داخلہ محسن نقوی نے امن و امان کی مجموعی صورتحال پر وزیراعظم اور اجلاس کے شرکاء کو بریفنگ دی۔ اجلاس میں ملک میں امن و امان برقرار رکھنے اور موجودہ صورتحال سے متعلق اہم امور پر مشاورت کی گئی۔
