کراچی: انکم ٹیکس گوشوارے جمع کرانے کی آج آخری تاریخ ہے، مقررہ تاریخ کے بعد گوشوارے جمع کرانے والے ٹیکس دہندگان کو اضافی جرمانے کا سامنا کرنا پڑے گا۔
ذرائع کے مطابق یکم اکتوبر سے لیٹ فائلر کی کیٹیگری مکمل طور پر ختم کردی جائے گی۔ تاخیر سے گوشوارے جمع کرانے پر جرمانے کی رقم ایک ہزار روپے سے بڑھا کر 25 ہزار روپے تک کردی گئی ہے۔
ذرائع کا کہنا ہے کہ ٹیکس دہندگان جرمانے سے بچنے کے لیے آج ہی اپنے انکم ٹیکس گوشوارے جمع کرا دیں۔
