اسلام آباد: وفاقی وزیر داخلہ محسن نقوی اور وزیر مملکت برائے داخلہ طلال چوہدری سے پولینڈ کے وزیر ٹوماش شیمونیاک نے ملاقات کی، جس میں سکیورٹی اور باہمی تعاون سے متعلق مختلف امور پر گفتگو کی گئی۔
ملاقات میں انسداد دہشت گردی کے شعبے میں تعاون مزید مضبوط بنانے اور سکیورٹی کے حوالے سے باہمی رابطے بڑھانے پر اتفاق کیا گیا۔ دونوں جانب سے غیر قانونی مائیگریشن کے خلاف اقدامات میں تعاون بڑھانے پر بھی اتفاق ہوا۔
فریقین نے سکیورٹی چیلنجز سے نمٹنے کے لیے ایک دوسرے کے تجربات سے استفادہ کرنے اور باہمی تعاون کو مزید فروغ دینے کی اہمیت پر زور دیا۔
