واشنگٹن: امریکی صدر نے کہا ہے کہ ایران کے ساتھ تنازع جلد ختم ہونے والا ہے، جبکہ تیل کی قیمتوں میں بھی جلد تیزی سے کمی آنے کی توقع ہے۔
امریکی صدر کے مطابق ایران کے ساتھ جاری کشیدگی کے خاتمے کی جانب پیش رفت جاری ہے۔ ان کا کہنا ہے کہ تنازع کے خاتمے کے بعد تیل کی قیمتیں بھی نیچے آئیں گی۔
امریکی نائب صدر جے ڈی وینس نے کہا ہے کہ امریکا ایران کے ساتھ معاہدہ کرنے کے لیے تیار ہے۔ ان کے مطابق ایران کو جوہری ہتھیار بنانے سے روکنا امریکا کی ترجیح ہے اور اس اقدام کا مقصد دنیا کو ایک بڑے سانحے سے محفوظ رکھنا ہے۔
امریکی قیادت نے ایران کے ساتھ مذاکرات اور معاہدے کے امکان کا عندیہ دیتے ہوئے کہا ہے کہ تنازع کے سفارتی حل کی گنجائش موجود ہے۔
