اسلام آباد: محکمہ موسمیات نے مغربی ہواؤں کے نئے سلسلے کے باعث ملک کے مختلف علاقوں میں بارش اور تیز ہواؤں کی پیشگوئی کر دی، جبکہ بعض مقامات پر ژالہ باری کا بھی امکان ہے۔
محکمہ موسمیات کے مطابق اسلام آباد، مری، لاہور اور پشاور سمیت بالائی اور وسطی علاقوں میں وقفے وقفے سے گرج چمک کے ساتھ بارش متوقع ہے۔
بارش کے باعث مختلف علاقوں میں موسم خوشگوار ہونے کا امکان ہے، تاہم تیز ہواؤں اور ژالہ باری کے دوران شہریوں کو احتیاط برتنے کی ہدایت کی گئی ہے۔
شہریوں اور مسافروں کو مشورہ دیا گیا ہے کہ سفر کے دوران موسمی صورتِ حال پر نظر رکھیں اور خراب موسم میں ضروری احتیاطی تدابیر اختیار کریں۔
