اسلام آباد: وفاقی حکومت نے خیبرپختونخوا کے 12 اضلاع کی علاقائی نمائندہ و ترقیاتی کونسل کے 48 ارکان کی حتمی فہرست کا نوٹیفکیشن جاری کردیا۔ شوکت اللہ خان چیئرپرسن جبکہ شمالی وزیرستان کے ملک خان مرجان وائس چیئرپرسن مقرر ہوگئے۔
کونسل کے ارکان کی نامزدگیاں مقامی جرگوں کی مشاورت سے کی گئیں۔ متعلقہ ڈپٹی کمشنرز نے نامزدگیوں کی رپورٹ گورنر خیبرپختونخوا کے توسط سے وفاقی حکومت کو ارسال کی تھی۔ کونسل میں مختلف اضلاع کے نمائندے شامل ہیں، جن کا مقصد علاقائی ترقی اور عوامی نمائندگی سے متعلق امور کو آگے بڑھانا ہے۔
