راولپنڈی:خیبر پختونخوا کے مختلف علاقوں میں سکیورٹی فورسز کی کارروائیوں کے دوران 22 خوارج مارے گئے۔
آئی ایس پی آر کے مطابق جنوبی وزیرستان میں انٹیلی جنس بیسڈ آپریشن کے دوران سکیورٹی فورسز اور خوارج کے درمیان فائرنگ کا شدید تبادلہ ہوا، جس میں 15 خوارج ہلاک ہوئے۔
بنوں میں دو الگ الگ جھڑپوں کے نتیجے میں 6 خوارج اپنے انجام کو پہنچے، جبکہ ٹانک میں فائرنگ کے تبادلے کے دوران ایک خارجی ہلاک کردیا گیا۔
ترجمان پاک فوج کے مطابق کارروائیوں میں ہلاک خوارج کے قبضے سے اسلحہ اور گولہ بارود بھی برآمد ہوا۔




