لاہور: لاہور کی ڈرگ کورٹ نے ٹک ٹاکر حکیم شہزاد کے خلاف غیر قانونی اشتہارات اور بغیر لائسنس ادویات کی فروخت کے مقدمے میں سخت قدم اٹھاتے ہوئے انہیں 2 اکتوبر کو گرفتار کر کے عدالت میں پیش کرنے کا حکم دے دیا ہے۔
حکیم شہزاد آج عدالت میں پیش نہیں ہوئے، جب کہ ان کے بیٹے نے عدالت میں جعلی مچلکے جمع کروائے، جس پر عدالت نے قانونی کارروائی کا حکم دیا ہے۔
یہ مقدمہ حکیم شہزاد پر غیر قانونی اشتہارات اور بغیر لائسنس ادویات بیچنے کے الزامات کی بنیاد پر درج کیا گیا ہے۔
