ایپل کی نئی آئی فون 17 سیریز کے لانچ کے فوراً بعد صارفین نے ان ڈیوائسز میں موجود ایپل انٹیلی جنس (AI) فیچرز میں خرابی کی شکایات کی ہیں۔ اطلاعات کے مطابق، آئی فون 17، آئی فون 17 ائیر، آئی فون 17 پرو اور آئی فون 17 پرو میکس میں AI فیچرز ڈاؤن لوڈ یا انسٹال کرنے کے باوجود صحیح کام نہیں کر رہے۔
صارفین کو اس مسئلے کی وجہ سے نئی خصوصیات کا فائدہ اٹھانے میں دشواری ہو رہی ہے، جس سے خریداری کرنے والوں میں مایوسی پائی جا رہی ہے۔
ایپل نے اس مسئلے کو تسلیم کرتے ہوئے بتایا ہے کہ کمپنی جلد ہی اس سافٹ ویئر بگ کو دور کرنے کے لیے اقدامات کر رہی ہے۔
نئی سیریز میں آئی فون پلس ماڈل کو ختم کر کے آئی فون 17 ائیر متعارف کروایا گیا ہے، جب کہ تمام ماڈلز میں وائرلیس میگ سیف چارجنگ اور بہتر بیٹری لائف دی گئی ہے۔
صارفین کو مشورہ دیا گیا ہے کہ وہ اپ ڈیٹس کا انتظار کریں تاکہ AI فیچرز کی مکمل فعالیت بحال ہو سکے۔
