بنگلادیش کے چیف ایڈوائزر پروفیسر محمد یونس نے عوام کو یقین دہانی کرائی ہے کہ ملک میں عام انتخابات 12 فروری کو منعقد ہوں گے۔ انہوں نے کہا کہ معزول حکومت کے رہنما تشدد کو ہوا دے رہے ہیں اور ان کے حامی مبینہ طور پر انتخابی عمل میں رکاوٹ ڈالنے کے لیے لاکھوں ڈالر استعمال کر رہے ہیں۔
پروفیسر یونس نے مزید کہا کہ عبوری حکومت کسی بھی ممکنہ چیلنج سے نمٹنے کے لیے پوری طرح تیار ہے اور انتخابات کو شفاف، منظم اور پرامن انداز میں کرانے کے لیے اقدامات جاری ہیں۔ انہوں نے شہریوں اور سیاسی جماعتوں سے اپیل کی کہ وہ پرامن ماحول میں انتخابات میں حصہ لیں۔
