عشرہ نجات کا آغاز: حرمین شریفین اور پاکستان کی مساجد معتکفین سے آباد، ہر سو ذکرِ الہٰی کی گونج

مکہ مکرمہ / اسلام آباد: رمضان المبارک کے آخری عشرے کا آغاز ہوتے ہی دنیا بھر میں مساجد کی رونقیں عروج پر پہنچ گئی ہیں۔ لاکھوں فرزندانِ اسلام دنیاوی مشاغل ترک کر کے اللہ کے گھر میں گوشہ نشین ہو گئے ہیں۔
حرمین شریفین میں اعتکاف: مسجد الحرام اور مسجد نبوی ﷺ میں اس سال 15 ہزار افراد اعتکاف کی سعادت حاصل کر رہے ہیں۔ معتکفین کے لیے خصوصی راہداریاں اور سہولیات فراہم کی گئی ہیں۔ ملک کی ہزاروں مساجد میں لاکھوں فرزندانِ اسلام معتکف ہوئے۔ فیصل مسجد اسلام آباد اور بادشاہی مسجد لاہور سمیت تمام بڑی مساجد میں تل دھرنے کی جگہ باقی نہیں رہی۔
معتکفین آخری عشرے کی طاق راتوں میں لیلۃ القدر کی تلاش اور امتِ مسلمہ کی سربلندی کے لیے خصوصی مناجات کریں گے۔ پاکستان بھر میں مساجد کے گرد سکیورٹی کے سخت انتظامات کیے گئے ہیں تاکہ معتکفین یکسوئی سے عبادات سرانجام دے سکیں۔