اسلام آباد: وفاقی وزیر اطلاعات عطا تارڑ نے خطے کی صورتحال اور امن مذاکرات کے حوالے سے پاکستان کے ٹھوس موقف کا اعادہ کرتے ہوئے کہا ہے کہ ہم ایرانی حکام کے ساتھ مسلسل رابطے میں ہیں اور اسلام آباد میں ہونے والے مذاکرات کے دوسرے دور کے لیے ایران کے باضابطہ جواب کے منتظر ہیں۔
وفاقی وزیر اطلاعات نے سوشل میڈیا پر اپنے پیغام میں پاکستان کی سفارتی سرگرمیوں کا نقشہ کھینچتے ہوئے کہا کہ پاکستان بطور ثالث ایرانی حکام کے ساتھ مسلسل اور قریبی رابطے میں ہے۔پاکستان نے اپنی پوری کوشش کی ہے کہ ایرانی قیادت مذاکرات کے دوسرے دور میں شریک ہو، اور یہ کوششیں اب بھی پوری شدومد سے جاری ہیں۔ پاکستان کا مقصد سفارتکاری اور مکالمے کے عمل کو ہر ممکن حد تک آگے بڑھانا ہے۔
عطا تارڑ نے اپنے بیان میں واضح کیا کہ پاکستان خطے میں امن کی شمع روشن رکھنے کے لیے اپنا تعمیری کردار ادا کرتا رہے گا۔ انہوں نے اس امید کا اظہار کیا کہ ایران کی جانب سے باضابطہ جواب موصول ہوتے ہی مذاکرات کا عمل اگلے مرحلے میں داخل ہو جائے گا، جو علاقائی استحکام کے لیے ناگزیر ہے۔
وفاقی وزیر کا یہ بیان ظاہر کرتا ہے کہ پاکستان نہ صرف ایک پڑوسی ملک بلکہ ایک ذمہ دار ثالث کے طور پر خطے میں تصادم کی روک تھام اور پرامن حل کے لیے سب سے زیادہ متحرک ہے۔
The situation as it stands at 1930 PST
1. Formal response from Iranian side about confirmation of delegation to attend Islamabad Peace Talks is still awaited.
2. Pakistan as the mediator is in constant touch with Iranians and pursuing the path of diplomacy and dialogue.
3.…
— Attaullah Tarar (@TararAttaullah) April 21, 2026
