"آپ اتنی اچھی ہیں، مسلمان ہوجائیں” — سنیتا مارشل کے انکشافات

پاکستانی اداکارہ سنیتا مارشل نے ایک حالیہ انٹرویو میں سوشل میڈیا پر موصول ہونے والے دلچسپ اور ذاتی نوعیت کے پیغامات کے بارے میں کھل کر گفتگو کی، جن میں ان سے بارہا اسلام قبول کرنے کی اپیل کی جاتی ہے۔

مذہب پر دباؤ نہیں، صرف محبت ملی

سنیتا مارشل، جو مسیحی مذہب سے تعلق رکھتی ہیں، نے فریحہ الطاف کے پوڈکاسٹ میں گفتگو کے دوران بتایا کہ انہوں نے کبھی مذہب کی بنیاد پر تفریق کا سامنا نہیں کیا۔ ان کا کہنا تھا کہ ان کے شوہر حسن احمد اور ان کا خاندان ہمیشہ عزت و احترام سے پیش آئے، نہ کبھی تبدیلی مذہب کا مطالبہ کیا اور نہ ہی کوئی دباؤ ڈالا۔

"انسٹاگرام پر دلچسپ پیغامات ملتے ہیں”

اداکارہ نے بتایا کہ انسٹاگرام پر صارفین ان کی خوبصورتی، شائستگی اور سلیقے کی تعریف کرتے ہوئے اکثر کہتے ہیں: "آپ اتنی اچھی اور پیاری ہیں، مسلمان ہوجائیں!”
انہوں نے کہا کہ یہ پیغامات کبھی تعجب میں ڈال دیتے ہیں تو کبھی ہنسی آتی ہے، مگر وہ ان کا جواب نہیں دیتیں۔

ازدواجی زندگی اور خاندانی ہم آہنگی

سنیتا مارشل نے انٹرویو میں اپنے شوہر کے ساتھ تعلقات کی ابتدا پر بھی بات کی اور بتایا کہ وہ 2003 میں پہلی بار حسن احمد سے ملیں۔ شادی کے بعد ان کے بچے اسلام کے پیروکار ہیں، مگر ان کی مذہبی شناخت پر کبھی سوال نہیں اٹھایا گیا۔