خضدار :ضلع خضدار کے پہاڑی علاقے زہری میں سیکیورٹی فورسز نے ایک بھرپور آپریشن میں 7 دہشت گردوں کو ہلاک کر دیا جبکہ 10 دیگر زخمی ہوئے۔ آپریشن میں زمینی فورسز کے ساتھ ہیلی کاپٹرز بھی شامل تھے اور یہ کارروائی خفیہ اطلاعات کی بنیاد پر کی گئی۔
سیکیورٹی ذرائع کے مطابق، فتنہ الہندوستان کے دہشت گردوں نے علاقے میں مقامی لوگوں کو ہراساں کرنے کا سلسلہ جاری رکھا ہوا تھا اور انہوں نے بدوکشت کے مرکزی پل پر بڑی تعداد میں آئی ای ڈیز نصب کی تھیں، جنہیں فورسز نے کامیابی سے ناکارہ بنایا۔
ہلاک دہشت گردوں کے قبضے سے امریکی ساختہ خودکار ہتھیار، گرینیڈ، تیارشدہ آی ای ڈیز، ٹرانسمیٹرز، گولیاں اور موٹر سائیکلیں بھی برآمد ہوئیں۔سیکیورٹی فورسز نے واضح کیا ہے کہ وہ بھارت کے حمایتی عناصر کے خلاف آپریشن جاری رکھیں گے جب تک کہ فتنہ الہندوستان کا مکمل خاتمہ نہ ہو جائے۔
