کراچی: عالمی مارکیٹ میں سونے کی قیمتوں میں غیر معمولی اضافے کے بعد پاکستان میں بھی سونا نئی بلند ترین سطح پر پہنچ گیا ہے۔ فی تولہ سونا 14 ہزار 100 روپے کے اضافے کے ساتھ 4 لاکھ 56 ہزار 900 روپے کی نئی قیمت پر فروخت ہو رہا ہے، جو کہ ایک نیا ریکارڈ ہے۔
اسی طرح، دس گرام سونا بھی 12 ہزار 89 روپے کے اضافے کے بعد 3 لاکھ 91 ہزار 718 روپے کی بلند سطح تک پہنچ چکا ہے۔ سونے کی قیمتوں میں یہ اضافے کی وجہ عالمی صرافہ مارکیٹ میں سونے کی قیمت میں 141 ڈالرز کا بڑا اضافہ ہے، جس کے بعد عالمی سطح پر سونے کی قیمت 4358 ڈالرز فی اونس تک پہنچ گئی ہے۔
