پنجاب حکومت نے جان لیوا حادثات روکنے کے لیے ماسٹر پلان تیار کر لیا ہے، جس کے تحت لاہور کے اندرونِ شہر سے خطرناک اور لٹکتی بجلی کی تاریں ہٹائی جائیں گی۔
وزیراعلیٰ مریم نواز نے کہا کہ یہ اقدام شارٹ سرکٹ، کرنٹ اور آگ لگنے کے واقعات سے بچاؤ کے لیے کیا جا رہا ہے اور عوام کے تحفظ کو یقینی بنانا حکومت کی اولین ذمہ داری ہے۔ انہوں نے واضح کیا کہ منصوبہ گل پلازہ جیسے سانحات سے بچاؤ کے لیے تیار کیا گیا ہے اور بسنت و بارش کے دوران حفاظتی اقدامات کو مضبوط بنایا جائے گا۔
