چاہتے ہیں کہ بھارت اور پاکستان بہترین ہمسائے بن کر رہیں ،صدرٹرمپ

واشنگٹن: امریکی صدر ڈونلڈ ٹرمپ نے کہا ہے کہ وہ چاہتے ہیں کہ بھارت اور پاکستان بہترین ہمسائے بن کر رہیں اور دونوں ممالک کے درمیان تعلقات میں بہتری آئے۔ پریس کانفرنس کے دوران ٹرمپ نے پاکستان کے وزیراعظم شہباز شریف کو "عظیم رہنما” قرار دیا اور دونوں ممالک کے تعلقات میں بہتری کے لیے اپنی خواہش کا اظہار کیا۔

ٹرمپ نے اس موقع پر پاکستان کے فوجی سربراہ، فیلڈ مارشل جنرل عاصم منیر کو بھی "فیورٹ فیلڈ مارشل” قرار دیتے ہوئے کہا کہ "میں وزیراعظم پاکستان شہباز شریف اور جنرل عاصم منیر کا شکریہ ادا کرتا ہوں، جو یہاں موجود نہیں ہیں۔”

امریکی صدر نے ائیر فورس ون میں صحافیوں سے گفتگو کرتے ہوئے بتایا کہ پاکستان اور بھارت کے درمیان جنگ کو وہ خود تجارتی پابندیوں (ٹیرف) کے ذریعے روکنے میں کامیاب ہوئے تھے۔ اس سے قبل بھی ٹرمپ نے کہا تھا کہ انہوں نے پاکستان اور بھارت کے درمیان جنگ بندی کا کریڈٹ لیا ہے، اور اس معاملے کو تجارت کے ذریعے حل کیا۔

پریس کانفرنس کے دوران وزیراعظم شہباز شریف نے ٹرمپ کے بیان پر مثبت ردعمل دیتے ہوئے کہا، "ہم نے بھارت کے 7 طیارے گرائے تھے،” جس سے پاکستان کی دفاعی کارروائی کی یاد تازہ کی۔ ان کے اس بیان سے دونوں ممالک کے درمیان پُرکشش تعلقات اور تاریخ کے سنگین مسائل کی عکاسی ہوتی ہے۔