ننکانہ صاحب: پنجاب حکومت نے سیلاب متاثرہ افراد کے لیے ریلیف کے اقدامات تیز کر دیے ہیں۔ فلڈ ریلیف کارڈ کے ذریعے متاثرہ خاندان اپنی روزمرہ ضروریات کے لیے رقم نکال سکتے ہیں، جس کی حد روزانہ تین لاکھ روپے مقرر کی گئی ہے۔
وزیر اطلاعات پنجاب عظمیٰ بخاری نے ننکانہ صاحب میں فلڈ ریلیف کارڈ کی تقریب سے خطاب کرتے ہوئے کہا کہ سیلاب زدہ علاقوں میں بروقت ریسکیو آپریشن کے باعث جانی و مالی نقصان کم ہوا۔ انہوں نے مزید کہا کہ حکومت نے متاثرین کو تنہا نہیں چھوڑا اور ہر ممکن امداد فراہم کی جا رہی ہے۔
عظمیٰ بخاری نے بتایا کہ وزیراعلیٰ پنجاب مریم نواز نے خود متاثرہ علاقوں کا دورہ کیا اور متاثرین کے مسائل سنے، تاکہ ان کی فوری مدد یقینی بنائی جا سکے۔
فلڈ ریلیف کارڈ اسکیم صوبے کے تمام سیلاب زدہ اضلاع میں مرحلہ وار نافذ کی جا رہی ہے، تاکہ ہر مستحق خاندان تک امداد پہنچ سکے اور متاثرین اپنی بنیادی ضروریات پوری کر سکیں۔
