کراچی :سٹیٹ بینک آف پاکستان آج نئی مانیٹری پالیسی کا اعلان کرے گا۔ گورنر اسٹیٹ بینک کی زیرِ صدارت مانیٹری پالیسی کمیٹی کا اجلاس جاری ہے، جس میں شرحِ سود میں ممکنہ تبدیلی پر غور کیا جا رہا ہے۔
ذرائع کے مطابق کمیٹی کے اجلاس میں معاشی اشاریوں، مہنگائی کی موجودہ سطح، زرمبادلہ کے ذخائر اور مالیاتی دباؤ کا تفصیلی جائزہ لیا جا رہا ہے۔
فی الحال بنیادی شرحِ سود 11 فیصد ہے، اور معاشی ماہرین کے مطابق امکان ہے کہ اسٹیٹ بینک محتاط رویہ اپناتے ہوئے شرحِ سود کو برقرار رکھے۔ تاہم، اگر مہنگائی کے اعداد و شمار مزید نیچے آتے ہیں تو مستقبل قریب میں کمی کا امکان رد نہیں کیا جا سکتا۔
اسٹیٹ بینک کی مانیٹری پالیسی کا باضابطہ اعلان آج شام متوقع ہے۔
