لاہور: آئی سی سی ایونٹ ٹیکنیکل کمیٹی نے انڈر 19 ورلڈ کپ کے لیے پاکستانی سکواڈ میں عبدالقادر کی شمولیت کی باضابطہ منظوری دے دی ہے۔ یہ تبدیلی اسٹار کھلاڑی محمد شایان کے اچانک زخمی ہونے کے باعث عمل میں لائی گئی ہے۔
محمد شایان ناک کی ہڈی میں فریکچر کے باعث ٹورنامنٹ سے باہر ہوگئے ہیں۔عبدالقادر ٹیکنیکل کمیٹی کی منظوری کے بعد اسکواڈ کا حصہ ہیں۔
آئی سی سی کے ضوابط کے تحت، ایونٹ کے دوران کسی بھی کھلاڑی کو تبدیل کرنے کے لیے میڈیکل گراؤنڈز پر ٹیکنیکل کمیٹی کو مطمئن کرنا ضروری ہوتا ہے۔ پاکستان کرکٹ بورڈ کی جانب سے فراہم کردہ میڈیکل رپورٹس کے جائزے کے بعد کمیٹی نے عبدالقادر کو کھیلنے کی اجازت دے دی ہے۔
