تل ابیب: اسرائیلی وزیراعظم نیتن یاہو نے کہا ہے کہ ایرانی حکومت کا خاتمہ اسرائیل کے مرکزی اہداف میں شامل ہے اور اسرائیل اس مقصد کے حصول کے قریب پہنچ چکا ہے۔
نیتن یاہو کے مطابق ایرانی قیادت اس وقت اپنی کمزور ترین حالت میں ہے، جبکہ ایران کی موجودہ حکومت کا خاتمہ ناممکن نہیں۔ انہوں نے کہا کہ اسرائیل ایران سے لاحق خطرے کو ہمیشہ کے لیے ختم کرنے کی صلاحیت رکھتا ہے۔
اسرائیلی وزیراعظم نے دعویٰ کیا کہ ایرانی قیادت اس وقت اپنی بقا کی جنگ لڑ رہی ہے۔ ان کے بقول ایران سے لاحق خطرے کے خاتمے کے لیے اسرائیل اپنے اقدامات جاری رکھے گا۔
نیتن یاہو نے کہا کہ اسرائیل اپنے مقررہ اہداف کے حصول کے لیے پرعزم ہے۔
