کراچی: پاکستان سٹاک ایکسچینج میں آج کاروبار کے آغاز پر زبردست تیزی دیکھی گئی ہے، جس کے باعث 100 انڈیکس میں 1,013 پوائنٹس کا اضافہ ہوا ہے۔ اس اضافے کے بعد انڈیکس 135,313 پوائنٹس کی نئی بلند ترین سطح پر پہنچ گیا ہے۔
گذشتہ جمعہ کو 100 انڈیکس 134,299 پوائنٹس پر بند ہوا تھا، جو آج کے آغاز میں نمایاں طور پر بڑھ گیا ہے۔ ماہرین کا کہنا ہے کہ مارکیٹ میں اس طرح کی تیزی ملکی معیشت پر مثبت اثرات اور سرمایہ کاروں کے اعتماد کی نشانی ہے۔
اس بڑھوتری کے باعث سرمایہ کاری کے مواقع میں بہتری کا امکان ظاہر کیا جا رہا ہے اور مارکیٹ میں مزید خوشگوار رجحانات کی توقع کی جا رہی ہے۔
