ٹک ٹاکر سامعہ حجاب نے اغوا کے مقدمے میں سابق منگیتر کو معاف کر دیا

اسلام آباد:ٹک ٹاکر اور سوشل میڈیا انفلوئنسر سامعہ حجاب کے اغوا اور دھمکیوں کے کیس کا ڈراپ سین ہو گیا ہے۔ سامعہ حجاب نے اپنے سابق منگیتر حسن زاہد کو تمام الزامات سے فی سبیل اللّٰہ معاف کرتے ہوئے مقدمہ واپس لے لیا ہے۔

دونوں کے درمیان غیر مشروط صلح طے پا گئی ہے، جس میں حسن زاہد نے اپنی غلطیوں کا اعتراف کرتے ہوئے سامعہ سے معذرت کی، جبکہ سامعہ نے حسن کو مکمل معافی دے دی۔

واضح رہے کہ سامعہ حجاب نے الزام عائد کیا تھا کہ حسن نے انہیں ان کے گھر کے باہر اغوا کرنے کی کوشش کی اور جان سے مارنے کی دھمکیاں دیں، جس پر تھانہ شالیمار میں مقدمہ درج کیا گیا تھا۔ حسن زاہد کو عدالت نے جوڈیشل ریمانڈ پر جیل بھیجا تھا۔

تاہم اب دونوں فریقین کی رضامندی سے کیس کو باضابطہ طور پر ختم کر دیا گیا ہے۔